gototopgototop
  1. Skip to Menu
  2. Skip to Content
  3. Skip to Footer>

Македонската кошаркарска репрезентација од денеска засилена со Перо Антиќ ќе ги продолжи подготовките во Крањска Гора, Словенија. Капитенот на националниот тим попладнево им се приклучува на соиграчите, соопштуваат од Македонската кошаркарска федерација.

Од МКФ известуваат дека пристигнувањето на Лестер Бо Мекејлеб во договор со селекторот Алеш Пипан е поместено за в понеделник. Македонскиот плејмејкер побарал уште дополнителни два дена за приватни обврски и во догвор со раководството на репрезентацијата, терминот на неговото приклучување на репрезентацијата е поместен од 1, на 4 август.

Македонската репрезентација веќе неколку дена тренира во Крањска Гора. Селеторот Пипан, во изјава за веб страната на МКФ вели дека подготовките се одвиваат во најдобар ред.

Здравствениот билтен на репрезентативците е добар со исклучок на Дарко Соколов кој работи со намален интензитет поради повредата на глуждот, како и Ѓорѓи Чековски кој чувствува болката во препоните на која се пожали на почетокот на подготовките, но тој активно партиципира во тренизите.

Македонската репрезентација до недела останува на Крањска Гора, а потоа од понеделник се сели во Хрватска, каде што на 6 и на 7 август ќе одигра две контролни средби со домашната селекција.

Share this post

Слушај радио во Живо

bg_radio

and.play_google

and.qrcode