И името влијае на квалитетот на љубовниот живот

Напишано од Надица Четврток, 28 Мај 2015 09:17

Интернет компанија за посредување во пронаоѓањето „сродни души“, „Хапн“, објави резулати од едно истражување кое покажува дека името што го носи еден човек влијае на квалитетот на неговиот љубовен живот и секс.

Анкетата е спроведена во Барселона, Њујорк и Париз и врз основа на неа, компанијата направила топ листа на „атрактивни“ имиња кога се во прашање љубовта и сексот.

Така, во Барселона најдобар љубовен живот имаат мажите по име Марк, Давид, Жорди, Алберт и Алекс и жените кои се викаат Лаура, Марта, Кристина, Ана и Андреа.

Во Њујорк најмногу „среќа во љубовта“ имаат мажите кои ги носат имињата Мајкл, Мет, Бен, Џејсон и Сајмон и жените со име Аманда, Никол, Џесика, Александра и Кејти.

Во Париз љубовната среќа им е најнаклонета на мажите по име Луј, Адриен, Жилиен, Винсент и Александар и на жените кои се викаат Мари, Камил, Сара, Шарлот и Полин.